Невообичаена меморија
Способноста да се запаметат граматичките времиња, адреси или имиња на држави на мала возраст, може да биде показател за интелигенција. Ако вашето дете се сеќава на мали детали или широк спектар на информации што може и сами да ги заборавите, тогаш има потенцијал да совлада математика или странски јазици побрзо од другите деца.
Порано усвојување на интелектуалните предизвици
Ако детето совлада читање, разговор или играње друштвени игри побрзо од врсниците може да значи дека е поинтелигентно. Можеби ќе му треба повеќе стимулација за да ги добие потребните интелектуални предизвици.
Рано читање
Ако вашето дете започнало да чита порано од неговите врсници, може да се покаже во иднина дека е високо интелигентно.
Невообичаени хобија или интереси и познавања за функционирањето на одредени предмети
Интересот за возови или филмови е многу чест кај децата, но ако вашето дете навистина може да разликува научна фантастика од комедија, можеби покажува знаци на надареност. Занимавањето со некое хоби може да биде знак дека бара ментален предизвик што ќе го задоволи.
Нетолеранција на други деца
На високо интелигентните деца може да им биде фрустрирачко дружењето со врсници на нивна возраст затоа што не разбираат зошто другите не можат да ги следат. Исто така, докажано е дека надарените деца можат да бидат почувствителни од другите и се вознемирени ако ги изостават или задеваат врсниците.
Свесност за светските настани
Свесност за важните вести и светот околу нив, на пример, поставување прашања во врска со политика може да укаже на потрага по дополнително знаење.
Тие си поставуваат високи стандарди
Надарените деца можат да бидат подложни на неуспех затоа што тие обично се перфекционисти и се горди на вештините и знаењето што можат да ги стекнат. Како резултат, тие можат да постават многу високи стандарди за себе и да бидат вознемирени кога нешто ќе тргне наопаку.
Тие се исклучително успешни на училиште
Иако изгледа очигледно, но ако вашето дете постигне натпросечни резултати на училиште, можеби не станува збор само за уживање во училишните предмети, туку може да има и повисок коефициент на интелигенција од повеќето врсници.
Тие претпочитаат да поминуваат време со возрасни или сами
Ако поминува повеќе време со возрасни може да значи дека вашето дете е желно да учи од тие што се позрели од нив самите, додека индивидуалните активности како читање може да покажат дека му треба академска стимулација за да ја задоволи желбата за предизвици.
Тие сакаат да зборуваат
Ако вашето дете сака да зборува цел ден, ова може да биде показател дека се обидува да се вклучи во нови и предизвикувачки разговори.
Постојано поставува прашања
Поставување на многу прашања можат да значат дека вашето дете се обидува да го разбере светот околу нив на повисоко ниво од повеќето врсници.
Лесно учи
Дали вашето дете брза со домашните задачи и дали изгледа дека брзо и лесно ги разбира материјалите за учење? Ова може да биде показател дека лесно го совладува знаењето предвидено за неговата возраст.
Развиена смисла за хумор
Ако вашето дете може самостојно да смислува шеги или да се смее на шеги што сте помислиле дека можеби треба да му ги објасните, веројатно вашето дете го разбира јазикот и светот околу него многу подобро од што мислите.
Тие се заинтересирани за музика
Ако вашето дете лесно совладува музика или свири на музички инструмент добро, може ќе биде во можност да постигне и други интелектуални достигнувања, како што е учење на нов јазик што, како и свирење на инструмент, докажано ги зајакнува мозокот и меморијата.
Тие сакаат да имаат контрола
Интелигентните деца сакаат да докажат колку лесно можат да направат нешто. Тоа значи дека сакаат да ја контролираат секоја задача што ја извршуваат. Можеби се перфекционисти кои сакаат сè да се прави на нивен начин.
Тие измислуваат дополнителни правила за игри
Може да биде забавно за надарените деца да бидат креативни и да измислат дополнителни правила за игра, доколку оригиналната игра не ја стимулира доволно нивната имагинација. Затоа, ако вашето дете инсистира на сложени игри, може да биде многу паметно.
Екстровертни или интровертни
Децата кои се многу екстровертни и гласни или тивки и интровертни можат да бидат исклучително надарени. Додека екстровертите уживаат во друштво на други луѓе, учење од нив и имаат висока социјална интелигенција, интровертите можат да уживаат во самостојно читање и стекнување нови знаења, пренесува „Mirror“.
