Од почетокот на емитувањето до денес, „Мислотека“ се наметна како повеќе од обичен квиз. Таа стана платформа што ги мотивира учениците да учат, да размислуваат брзо, да развиваат самодоверба и со гордост да го претставуваат своето училиште.
Посебна вредност на проектот е фактот што кај учениците се создава силен натпреварувачки дух, но базиран на знаење, тимска работа и позитивна енергија. Токму затоа, интересот за учество постојано расте, а пријавите од нови училишта се сè почести.
Наставниците сè повеќе ја препознаваат „Мислотека“ како проект што има вистинска образовна вредност и позитивно влијание врз младите генерации. За многу ученици, учеството во квизот претставува мотив плус за подготовка, истражување и продлабочување на знаењата.
„Најголемата награда за нас е кога ќе видиме деца кои со искрена возбуда се подготвуваат за настап, учат со ентузијазам и со гордост го претставуваат своето училиште. Тоа е вистинската вредност на Мислотека,“ вели водителот Мики Анчевски.
Во време кога квалитетните содржини за деца се особено важни, „Мислотека“ продолжува да ја исполнува својата мисија — да покаже дека знаењето може да биде предизвик, инспирација и причина за успех.
Со секоја нова емисија, „Мислотека“ не само што ја зголемува својата гледаност, туку и ја зацврстува својата улога како еден од најзначајните детски образовни проекти во Македонија.
